Nakauli na ang usa sa mga estudyante sa Iponan National High School nga matud pa gi-recruit ug gidala sa Ragayan, Lanao del Sur niadtong miaging adlaw.
Matud sa 14 anyos nga estudyante nga pito ka van ang ilang gisakyan uban ang kapin sa 60 pa ka mga estudyante.
Matud sa amahan sa maong estudyante nga gauli ang iyang anak matag udto sa ilang panimalay, apan dako ang iyang katingala nga wala na kini makauli.
Hinungdan nga iya kining gipangita sa tunghaan hangtud nga iyang nasayran sa mga classmate niini nga gidala kini og Marawi aron rekroton.
Samtang alas 10 kapin na sa gabei niadtong adlawng Biyernes nakauli ang 14 anyos nga estudyante sa ilang panimalay.
Matud sa amahan nga basi sa iyang pakighinabi sa iyang anak, gidala sila sa area nga daghan og bangag bangag.
Dugang pa sa amahan nga nakita usab sa iyang anak ang tulay nga piot ug mga dump truck nga nangadaut og nangasunog na.
