Ginpangunahan ni Gov. Eugenio Bong Lacson ang inagurasyon sang Guintubhan Bridge nga nahamtang sa Isabela-Camangcamang Provincial Road sa banwa sang Isabela.
Ginpahayag nga ini nga taytay ang nagabalor 60 million pesos kag nagalaba sang 100 meters nga may 5.60 meters carriageway.
Suno kay Isabela Mayor Irene Montilla nga nalipay ang mga tawo sa banwa sang Isabela kag nagapasalamat sa provincial government sa amo nga proyekto nga magahatag sang daku nga kaayuhan sa palibot nga komunidad.
Sa iya bahin, ginpahayag naman ni Gov. Bong Lacson nga nagalaum siya nga ang taytay makabulig sa pag-facilitate sang dugang nga economic activities kag dugang nga pagsanyog sa tanan nga kaingud nga barangay.
Bangud sini, ginpahayag sang mga pumuluyo sa amo nga lugar ilabi na sang mga tricycle drivers nga nagapasalamat sila sa pagtukod sang amo nga taytay bangud magakahulugan ini sang ila safety kag tanan nga tawo sa komunidad.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
