Kapin 600 ka job order employees sang Provincial Capitol sang Negros Occidental ang makabaton sang 3,000 pesos nga bonus.
Suno kay Gov. Eugenio Bong Lacson, may bastante pa nga pundo sa savings nga sarang makuhaan para ihatag sa ila.
Ini ang kabahin sang ginpagwa nga Administrative Order No. 30 ni Pang. Rodrigo Duterte nga nagamandu sa paghatag extra bonus sa mga job order employees kag contract service nga maximum 3,000 pesos.
Wala pa Iabot sa cash bonus, ang probinsya nagpa-in man sang gift packs agud ipanghatag sa ila.
Sa pihak nga bahin wala gid sang chansa nga mabaton sang mga regular kag casual plantilla employees ang 10,000 pesos nga mandu man sang pangulo bilang extra bonus.
Ini bangud ang nabilin nga kwarta sa personal services ang 5 million pesos na lang kag kon ini ang bahin-bahinon sa 3,200 ka empleyado, indi na makaigo para sa 10,000 pesos gani 1,700 na lamang ang ila mabaton.
[image: image.png]
