Nagahulat na lang ang tanan nga kabarangayan sa Bacolod sang validation sang Department of the Interior and Local Government (DILG) angut sa ginpatigayon nila nga road clearing 2.0.
Gin-confirm sa DYHB ni DILG Bacolod Director Ma. Joy maredith Madayag nga sang Disyembre 5, naka-submit na ang tanan nga 61 ka mga barangay sang ila nga accomplishment reports. Sini man kuntani nga bulan sang Disyembre magapatigayon sang validation ang DILG Bacolod apang na alang-alang na sa tiempo gani patigayunon ini sa una nga bahin sang Enero 2021.
Suno kay Madayag, matapos ang validation sa iya nga lebel, masunod naman ang iya sang regional validating team.
Madumduman nga sang Oktubre 2020, liwat ginmando sang DILG ang pagpatigayon sang road clearing sa diin magatutok ini sa mga kabarangayan kag may dako nga katungdanan ang mga barangay officials.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
