Nagalab-ot sa 63 ka militia ng Bayan kag NPA supporter’s ang nagsurender sa Sultan Kudarat sang tinalikdan nga adlaw, November 14, 2020.
Suno kay Western Mindanao Commander Lt. Gen. Corleto Vinluan, Jr. sa nasambit nga numero 30 ka mga nagsurender nga personalidad ang miyembro sang Underground Mass Organization (UGMO) sang Communist Party of the Philippines-New People’s Army (CPP-NPA), 12 ang miyembro sang Pambansang Katipunan ng Magbubukid (PKM), 11 ang miyembro sang Malayang Kilusan ng Bagong Kababaihan (MAKIBAKA), kag 10 ka miyembro sang Kabataang Makabayan (KM) nga lunsay halin sa Barangay Midtungok, Senator Ninoy Aquino, Sultan Kudarat.
Bitbit naman sang 63 ka mga surrenderees ang mga nagkalain-lain nga klase sang kalibre sang armas luthang kag mga bala.
Ginpahayag naman ni Lt. Col. Romel Valencia, Commanding Officer sang 7IB Philippine Army nga ang mass surrender ang pagpapakita nga nagagana ang sistema batok sa terorista nga organisasyon, ang New People’s Army.
Ginkumpirmar naman ni JTF Central Commander Maj. Gen. Juvymax Uy ang 63 ang i-enrol sa Enhanced Comprehensive Local Integration Progam (E-CLIP) nga makabaton sang Reintegration Assistance nga nagakantidad sang P21,000.00 kada isa sa ila, Firearms Remuneration kag Immediate Assistance nga nagakantidad sang P15,000.00
Dugang pa ni Major Gen. Uy nga buligan man sila sang mga nagkalain-lain nga ahensya sang gobyerno sa pag-umpisa sa pagbag-o sang ila nga kabuhi.
credit: Westmincom
