64-anyos nga negosyante gipusil na, gikawatan pa

43

Pagadian City – Tulis ang usa sa mga angulo nga gisundan sa kapulisan sa nahitabong pagpamusil kagahapon sa Pulmones St., Purok Rosas, San Pedro, ning syudad sa Pagadian alas 5:30 ang takna sa hapon.
Giila ang biktima nga si Saturnino Cantilan Panugalon, 64 -anyos, minyo, dunay negosyo dihang dapita sa (Agora Public Market) ug residente sa Purok Talisay-A, Kawit, Pagadian City.
Duha ka suspek ang nihunos sa kinabuhi sa biktima nga nagsul-ob og blue sweatshirt ug (maong) pants sakay sa itom nga MIO Yamaha nga nagsilbing get-away vehicle.
Sa inisyal nga imbestigasyon samtang nagpalit og kulon ang biktima sa Ansag Store, kalit nga niabot ang mga suspek og sa walay daghang estorya gipusil ang biktima sa makaduhang higayon nga miresulta sa kamatayon niini.
Human sa hitabo gikawat sa gunman mga alahas sa biktima nga gilangkuban sa kwentas nga (gold) nga mokantidad sa (Php 25,000.00) ug usa ka bracelet (gold) nga moakantidad sa 21,000.
Daling nisabat ang mga suspetsado dala ang mga alahas ug nakuha sa dapit nahitaboan ang basiyo sa Cal. 45.
Naglusad na og follow up nga operasyon ang kapulisan alang sa possible nga pag-ila ug pagsikop sa mga suspetsado.
(Photo courtesy: Pagadian News Icon)

Facebook Comments