Nagapangayo sang bulig sa gobyerno probinsyal si Jancen Pareño, 28 anyos isa ka Negrosanon nga na-stranded sa Tabuelan Port sa Cebu.
Sa interview sang DYHB kay Pareño, iya ginpahayag nga 64 sila tanan nga naghalin sa nagkalain lain nga lugar sa probinsya sang Negros Occidental kag nag obra sa JPARK Hotel sa Lapu-Lapu City, Cebu.
Suno kay Pareño nga nag-abot sila sa pier sadtong sabado nga adlaw (Hunyo 20) dala ang tanan nila nga kagamitan agud magpauli sa Negros apang wala sang byahe, magasulod sila kuntani sa pier apang gintabog sila kag wala ginpasulod.
Sa karon nag desider nalang sila nga magtiner sa kilid sang dalan malapit sa dagat kag didto magtulog, apang kun mag ulan wala sila sang matulugan bangud ila gina uyatan ang ila kagamitan para indi mabasa.
Naga-apelar sila nga mabuligan sang probinsya nga makapauli dire sa Negros Occidental bangud tuman kapi-ot sang ila kahimtangan labi na nga wala sila sang makaon.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
