General Santos City—patay na dihang nakaplagan ang usa ka 65 anyos nga care taker sa gitrabahuan niini sa may Block 8, Salvani Street., Barangay City Heights Gensan alas 8:00 ang takna sa buntag kagahapong adlawa, January 22, 2018.
Naila ang biktima nga si Pedro Lamoste, 65, caretaker ug residenti sa nasampit nga lugar. Sa inisyal nga imbistigasyon sa kapulisan nasuta nga nakaplagan nalang ang biktima sa iyang kaubanan nga si Rolito Palmera nga nagbuy-od na sa yuta nga wala nay kinabuhi.
Subay usab sa pagsuta sa kapulisan, walay nakit-ang mga timailhan nga gituyo ug patay ang nasangpit nga biktima ug gituohang natural death ang gikamatyan niini.
Sumala ni Rolito nga daan nang gareklamo si Lamoste tungod sa punay nga pagsakit sa iyang dughan gani iyang gitambagan ang nahisgutan nga magpahiling na sa doctor aron mapailawom sa medikasyon.
Sa karon ang patayng lawas sa biktima anaa na sa lokal nga punerarya dinhi sa syudad.
