GENERAL SANTOS CITY- Gibitbit sa mga pulis ang 66 anyos nga lolo human gi-serve ang dalang arrest warrant niya sa kasong lugos sa Purok 4, Barangay Conel ning siyudad.
Giila ang suspek sa pangalan Johnny Esto Ayano, minyo ugresidente sa maong lugar nga nag-atubang sa kasong rape o pagsupak sa Article 226, Paragraph 1(a) sa Revised Penal Code.
Nasayran pirmado ni Judge Jose Blanza sa Branch 22 Regional Trial Court ang warrant of arrest sa suspek nga lolo nga nahimong wanted sa maong kaso sulod sa duha ka tuig.
Unang migawas ang arrest warrant sa suspek niadtong Enero 18, 2018 kung asa “No Bail Recommended” ang gisulti sa korte batok sa lolo.
Gihimo ang maong pagsikop sa lolo niadtong alas-11 sa buntag Mayo 13, 2020 pinaagi sa joint elements sa San Isidro Police Station 4, City Intelligence Unit, City Mobile Force Company og konseho sa barangay.
For more info’s and updates, like and share our official facebook account : www.facebook.com/ifm91.9Gensanofficial/
[image: wanted priso.jpg]
