Mikabat na sa 66-mil ka mga balay ning syudad ang nasuyod sa mga health volunteers sa nagpadayon nga active health surveillance sa Department of Health.
Ma-o kini ang gibutyag ni Dr. Teodulfo Joselito Retuya, Epidemiologist sa City Health Office atol sa Press conference sa City hall kagahapon.
Matud ni Retuya nga kini nga record sukad pa niadtong Abril 1 hangtud sa Mayo 5.
Gibutyag ni Retuya nga ilang gipatutokan karon ang pagsusi sa mga kabarangayan nga wala pa masuyod sa ilang mga health volunteers aron masusi kon duna bay mga tawo nga nagbaton o wala sa sintomas sa corona virus.
Matud ni Dr. Retuya nga kini aron pagsiguro nga ma-agapan dayon sa mga health officials ang si kinsa mang mga tawo sa barangay nga dunay sintomas sa makamatay nga sakit.
-o0o-R
