Davao City – Dako ang pagtuo sa Davao City COVID-19 Task Force (TF) nga kayang makab-ot sa City Government of Davao ang herd immunity pinaagi sa paspas nga vaccination programs, human nga anaa na sa 66% ang syudad sa target niining populasyon sa Davao nga anaa sa 1.2 million Dabawenyos.
Matud ni Dr. Michelle Schlosser, Focal Person sa Davao City COVID-19 TF (sa interbyu sa city-owned radio), dul-an 793,000 na ka indibidwal ang nakadawat sa ilang first dose sa bakuna, samang 50% niini o kapin 600,000 nakadawat na sa second dose o fully vaccinated na kontra Coronavirus Disease 2019 (COVID-19).
Gikanayon ni Schlosser, pinaagi sa pag-intensify o pagpakusog sa vaccination rollout sa lokal nga gobyerno, posibleng makab-ot ang gitinguhang herd immunity.
“Even Saturdays and Sundays, maghatag na ‘ta og bakuna or mag-roll out na ta’g bakuna – mobile vaccination and those mga typical nato nga vaccination sites. Gi-heightened nato tanan ang atoang mga measures para gyud ma-achieve nato ‘tong 15,000 a day,” sulti ni Schlosser.
Sa pagkakaron, dugang vaccination sites ang imontar sa dakbayan alang sa gihimong Bakuna Nights ug mobile vaccinations.
RadyoMaN Kirby Manzon
