General Santos City—Patay ang usa ka 67 anyos nga lolo nga si Dioscoro Paculba, residenti sa Purok Maliwanag, Barangay Calumpang, Gensan human kining nabangaan sa motorsiklo nga gimanihuan sa suspetsadong si Maximo Mendoza Jr., kaganinang kaadlawon.
Sumala sa pag-umangkon sa biktima nga si Giovane, kaadlawon pa gyud gagawas sa iyang balay ang nasampit tungod kay gapanilhig kini sa pipila ka establishemento nga nahimutang sa Highway sa Barangay Calumpang.
Apan nabanggaan kini sa suspek dihang mitabok ang biktima ngadto na sa kalsada human wala mabantayan sa driver sa motorsiklo.
Gikaingon pa ni Diovane nga hubog ang suspek nga mibangga ngadto sa ilang uyuan.
Subays a nakakita, hilabihan kakusog ang dagan sa motorsiklo sa suspek nga maoy nibangga sa iyang uyuan mao nga nakaangkon kini ug grabeng mga samad sa ulo ug bali usab ang likod sa nasampit.
Hinuon gibutyag sa pag-umangkon sa biktima nga dili sila mopasang-at ug kaso kung magkasinabot ang ilang pamilya ugang pamilya sa suspek bahin sa pagpahiluna sa patayng lawas sa biktima.
