67 KA SACHET SANG SUSPECTED SHABU, NAKUMPISKAR SANG MGA OTORIDAD SA SUBJECT SANG BUY BUST OPERATION SA JARO.

483

Naglab-ot sa 67 ka sachet sang suspected shabu ang natigayon nga makumpiskar sang mga otoridad sa duha ka subject sang buy bust operation sini lamang nga gab-i sa barangay San Vicente, Jaro, Iloilo City.,
Ginhiwat sang Regional Drug Enforcement Unit ukon RDEU 6 kag Jaro PNP ang buybust operation mga alas 6 subong nga gab-i (Abril 25) batuk sa mga subject nga sanday Mil Anthony Altas kag Christine Jane Barranco nga pareho nga nagkaladakpan.
Magluwas sa 67 ka sachet sang suspected shabu, narecover man sang mga otoridad ang 1,000 pesos nga buy bust money.
Kaso nga paglapas sa RA 9165 ang paga-atubangon nanday Altas kag Barranco nga yara karon napriso sa Jaro Police Station.

Facebook Comments