General Santos City—Angol ang usa ka Edie Lee Sr. , 69 anyos, balot vendor ug residenti sa Purok 23, barangay Lagao, Gensan human kining nabanggaan ug tricycle alas 6:10 ang takna kagabie sa may Conel Road, Gensan.
Sa inisyal nga imbistigasyon sa kapulisan nasuta nga nagdrive sa besiklita ang biktima karga ang iyang baligyang balot dihang siya gibanggaan sa tricycle nga hinungdan sa pagkahagbong niini sa kanal.
Inay tabangan, misibat na nuon ang driver sa tricycle nga nakabangga sa biktima.
Gilayon man nga gitabangan ang biktima sa mga residenting nakakita sa insidenti pinaagi sa pagdala kaniya sa Dr. Jorge Royeca Hospital.
Nasayran nga nakaangkon ug mga bun-ug ug samad sa lawas ang biktima human kining nahagbong sa kanal.
Facebook Comments
