General Santos City—Human sa pila ka adlaw nga pagpabilin sa Mindanao Medical center nakabsan gyud sa iyang kinabuhi ang 7 anyos nga si Christjean Demati, kansa una nang nalumos sa LC5, Swimming Resort nga makaplagan sa Barangay City heights Gensan niadtong nakalabayng adlaw.
Si Christjean ang usa sa tulo ka mga batang nalumos sa maong Swimming pool nga gikamatay usab sa laing usa pa ka biktima nga si Trishia.
Nasayran nga una nang nangaligo ang ginikanan sa mga biktima sa maong swimming report human nakadaug sa pacontest sa ilang gitrabahuan.
Samtang nangaligo wala mabantayan ang mga bata nga nakaabot na sa lawom nga parti sa swimming pool ug nalumos. Dead on arrival sa ospital si trishia samtang si Christjean , nagpabilin pa sa ICU sulod sa pipila ka adlaw apan nakabsan gihapon sa iyang kinabuhi.
Luwas usab ang usa pa ka batang kaubanan sa mga biktima. Sa karon ang patayng lawas ni Christjean ang gipahiluna na sa iyang pamilya sa ilang panimalay sa may Silway, barangay West.
