7 anyos nga batang lalaki nagpositibo sa COVID-19

43

Dumalinao, Zamboanga del Sur – Nagpositibo sa Coronavirus Disease 2019 (COVID-19) ang 7 anyos nga batang lalaki nga taga lungsod sa Dumalinao ning probinsya.
Kini ang gikompirmar ni Dr. Natzky Cagampang sa ZamboSur Task Force COVID-19.
Kasamtangang gisuta pa kung ang hinungdan kung ngano nga nagpositibo ang bata kinsa adunay travel history sa Iligan City kaniadtong Marso 14.
Sa pagkakaron, anaa sa maayong kondisyon ang bata human ma confine sa usa ka pribadong ospital apan gibalik kini ug dala sa Zamboanga del Sur Medical Center Isolation Area.
Sa inisyal nga impormasyon, naka-self quarantine na usab ang mga staff sa pribadong ospital nga maoy nag-atiman sa bata kaniadtong Marso 20.
Sa kinatibuk-an, mokabat na sa tulo ang kaso sa COVID-19 sa Zamboanga del Sur human sunod-sunod nga migawas ang resulta sa ilang tagsa-tagsa ka laboratory test.

Facebook Comments