7 ka balay, na-sunog sa Bago City

253

BAGO CITY, NEGROS OCCIDENTAL – Pito tanan ka mga balay ang gintupok sang kalayo sa nagluntad nga sunog pasado la una sini gid lamang nga kaagahon sa Purok Masinadyahon, Brgy. Lag-asan, Bago City.

Isa sa mga nasunugan ginkilala kay Melody Veniegas, tag-iya sang isa ka karinderia kon diin iya ginpahayag nga wala gid siya sang may nasalbar kag naubos gid ang tanan niya nga kagamitan.


Suno kay Nanay Meloday, lakip sa nasunog nga balay amo ang iya sang iya bata nga sanday Michael kag William Veniegas, subong man ang balay nanday Emma Buhayan, Vicky Lastiere, Angelita Flores kag balay sang iya anak nga si Cesar Flores.

Angut sini, ginpahayag ni Brgy. Lag-asan, Punong Barangay Ermelo Jara nga gilayon sila nga magapangayo sang assistance sa DSWD lakip na sa alkalde sang Bago City para sa temporaryo nga ma-istaran sang mga nahalitan sang amo nga sunog.

Sa karon padayon pa nga gina-assess sang Bureau of Fire Protection sang Bago City kon bala ano ang gintunaan sang sunog kag pila ang kabug-usan nga damages sini.

Facebook Comments

From Advertisers