BACOLOD CITY – Pito ka mga barangay diri sa ciudad sang Bacolod ang ginapaidalum karon sa review kag assessment sang Department of Interior and Local Government (DILG) subong man sang Philippine Drug Enforcement Agency (PDEA) angut gihapon sa operasyon sang illegal drugs.
Ang mangin resulta sang assessment kag review amo ang mangin balasehan kon bala pwede na ini nga ma-declare bilang mga drug-free barangay sa Bacolod.
Sa pihak nga bahin, kapin P60 million pesos ang pundo nga ginpain para sa pagpatukod sang drug rehabilitation facility diri sa ciudad sang Bacolod.
Suno kay Assistant to the Mayor Rodel Parcon nga wala labot sa P50 million pesos nga pundo halin sa Departmenmt of Health (DOH) may dugang pa nga P10 million pesos halin sa PDEA.
Pamaagi man ini sang syudad sang Bacolod paagi kay Bacolod City Mayor Evelio Leoanardia nga suportahan ang kampanya ni President Rodrigo Duterte angot sa war on drugs.
Sa karon naga coordinate na ang DOH sa Bacolod City Health Office subong man sa City Engineer’s Office sang ciudad angut sa standard and specification sang amo nga rehabilitation in-house facility./dyHB BACOLOD
