Gideklarang persona non grata sa mga local leaders sa pito ka mga barangay sa Bukidnon ang New People Army kon NPA ug ang mga legal organizations niini.
Sa interview sa RMN Malaybalay ngadto kang 1Lt. Kenneth Cabbigat ang civil military officer ug spokesperson sa 8th Infantry Battalion, Philippine Army gibutyag niini nga apil sa mga barangay nga nagdeklara ug persona non grata sa CPP-NPA mao ang mga Barangay Caburacanan, St. Peter, Silae ug Indalasa nga pulos sakop sa siyudad sa Malaybalay, ug ang mga barangay Canangaan, Freedom ug Dalacutan nga sakop sa lungsod sa Cabanglasan.
Matud ni Cabbigat nga gibasehan sa maong mga barangay sa deklarasyon ang Republic Act. 10168 o mas na-ila nga The Terrorism Financing Prevention and Suppression Act of 2012,” ug ang RA 9372 kon The *Human Security Act of 2007*.
Sigun sa opisyal nga ang mga barangay opisyales ug tribal leaders sa maong mga barangay ang nagpahugot sa ilang suporta sa gobyerno pinaagi sa pagdeklara sa mga NPA ug ilang legal organization nga unwelcome sa ilang lokalidad.
