7 ka tawo under monitoring gi-clear na sa DOH Caraga.
Malipayong gitahu sa Department of Health (DOH) Caraga nga gi-clear na sa ilang buhatan ang 7 ka mga indibidwal kinsa una na’ng gipaubos sa monitoring dinhi sa rehiyon sa Caraga subay sa gikahadlokang Novel Corona Virus.
Pamahayag ni DOH Caraga Reg’l Director Dr. Jose Llacuna, Jr nga kini ang labing ulahing ‘update’ labot sa padayong pagbantay sa mga tawo nga posibleng naapektohan sa maong virus gumikan sa ilang history sa pagbyahe gikan sa China, Macau ug HongKong.
Nagdumili na sa pagbutyag si Dr. Llacuna kung asa nga mga lugar dinhi sa rehiyon gikan ang maong mga indibidwal nga gipaubos sa monitoring aron malikayan ang pag-panic sa publiko.
Sa karon anaa nalang sa 9 ka mga indibidwal ang padayong gi-monitor sa DOH kinsa padayong naka-home quarantine. Si DOH Caraga Reg’l Director Dr. Jose Llacuna, Jr sa iyang pamahayag.
Una nang gipasabot ni Dr. Llacuna nga dili angay kahadlokan ang tahu nga adunay mga gimonitor sa DOH sanglit wala may nakita’ng sintomas sa maong virus ang maong mga indibidwal (with report archer capadeso/ivy falcone).
