Extortion ang usa sa mga nakitang motibo sa kapulisan sa laing pagpanunog na usab nga gihimo sa mga New Peoples Army kon NPA sa kompanyang Davco/Del Monte sa Barangay Merangeran, lungsod sa Quezon kaniadtong Sabado sa hapon.
Sa interview sa RMN Malaybalay ngadto kang Pol/Corporal Noel Puyos, ang Public Community Relation sa Quezon Municipal Police Station gibutyag niini nga apil sa anggulo nga ilang gitutukan mao ang wala paghatag sa maong kompanya sa revolutionary tax ngadto sa mga NPA.
Hinoon gibutyag ni Puyos nga ila pang gipalawman ang ilang gihimong imbestigasyon sa laing kaso sa pagpanungo sa mga ekipo.
Una niini gisunog sa 6 ka mga NPA nga nagmotor nga gipangunahan ni Renante Tumbalang alias Commander Jigger sa Guerilla Front Committee 6 ang mao nga ekipo tunga-tunga sa plantasyon sa pinayahan.
Sigun ni Corporal Puyos nga mukabat ngadto 7 milyon ang gibana-banang kantidad sa tractor boom sprayer nga gipanag-iyahan sa DAVCO/ Del Monte.
Sa karon nakatakdang ipasaka na ang kaso batok sa mga suspetsado.
