Jamindan, Capiz- Patay ang 70-anyos nga tigulang nga lalaki makaligad ini ang aksidente nga nabunggoan mga alas 6:40 ang takna sang gab-i sa Barangay Linambasan banwa sang Jamindan.
Nakilala ang biktima kay Ruperto Vipinosa y Vipinoso, residente sang nasambitan nga lugar.
Ini ang nag-angkon sang kasamaran sa lawas matapos nga ginbunggoan sang motorsiklo nga ginamaneho sang driver/suspect nga nakilala kay Ronald Estanislao y De Juan, 37-anyos, residente sang Tibiao, Altavas, Aklan.
Gintinguhaan pa nga dal-on sa Bailan District Hospital sa banwa sang Pontevedra ang biktima apang ini ang gindeklarar nga dead-on-arrival.
Yara na sa paghinakop sang Jamindan PNP ang suspek nga si Ronald Estanislao.
Suno sa imbestigasyon sang kapulisan, ginasubay sang suspek ang karsada pauli sa Tibiao, Altavas sang nabunggoan sini ang nagalakat nga tigulang sa kilid sang dalan.
📷 Jamindan MPS
