Naglab-ot sa 716 ka mga wanted persons sa rehiyon dose ang tigayon nga nadakpan sang kapulisan sa intensified Manhunt Charlie campaign sini sang bulan lang sang Hulyo subong nga tuig.
Sa duha suno pa ka Simultaneous Anti-Criminality Law Enforcement Operations ang daku nga kontribusyon sa kadalag-an sa pag-aresto sa 716 ka mga indibidwal sa diin 57 sa mga ini ang ginakabig Most Wanted Persons, 444 ang naaresto paagi sa warrantless arrest kag 215 ang iban nga wanted persons.
Nagsaka suno pa sa 7.9% ang naaresto kumparar sang nagligad nga bulan nga 663 ang naaresto nga 18 ang most wanted, 212 iban nga wanted, kag 433 ang warrantless arrests .
Nanguna naman ang Cotabato Police Provincial Office sang may madamo nga naaresto nga nagalab-ot sa 190 nga ginalakipan sang 16 most wanted, 53 other wanted, kag 121 warrantless arrests.
Nagasunod ang General Santos City Police Office nga may kabug-usan nga 157 nga naaresto (8 most wanted, 43 other wanted, and 106 warrantless arrests).
South Cotabato Provincial Police Office may 151 ka mga naaresto (19 most wanted, 53 other wanted, and 79 warrantless arrests).
Sultan Kudarat Provincial Police Office may 125 nga naaresto (7 most wanted, 35 other wanted, and 83 warrantless arrests) kag Sarangani Provincial Police Office may 93 ka mga naaresto (7 most wanted, 31 other wanted, and 55 warrantless arrests).
May-angot sini, ginsiguro ni Pnp Regional Director 12 PBGEN MICHAEL JOHN DUBRIA, sa katawhan sang SOCCSKSARGEN nga ang law enforcement operations ang magapadayon agud nga mangin safe kag secured sa anuman nga illegal activities kag pagpamahog sa mga nagabayolar sa balaud ang rehiyon.
Ginpasalamatan man sini ang suporta sang PDEA, AFP kag iban pa nga law enforcement agencies subong man ang akitbo nga suporta sang komunidad kag tungod sini nagalaum siya nga magmadinalag-on ang kapulisan sa kampanya batok kriminalidad.
Ang Simultaneous Anti-Criminality Law Enforcement Operations ang one-day anti-crime drive nga resolberon ang nagaluntad nga kriminalidad kapareho sang illegal drugs, illegal gambling, illegal firearms possession, terrorism kag ang pagserbi sang search and arrest warrants ang nakacontribute suno pa sang daku sa kadalag-an sa anti-criminality campaign sang PNP.
