Gipanghimakak sa 72 anyos nga amahan ang reklamo nga iyang lugos ang iyang nuebe anyos nga anak.
Kini ang iyang gipadayag sa programang Straight to the Point- Kuskos Batikos ni RadyoMaN Zaldy Ocon sa dxCC-RMN Cagayan de Oro.
Matud sa suspek nga dili niya mahimong luguson ang iyang anak tungod kay dili naman gani motindog ang iyang kinatawo.
Apan giangkon sa suspek nga gikan na siya sa prisohan human nakonbikto sa kasong attempted rape nga nahitabo matud pa sa General Santos City.
Samtang gibutyag ni Police Chief Insp. Enrique Belaca-ol, Jr., Hepe sa Macabalan Police Station nga nigawas sa medical examination nga nahilabtan ang nuebe anyos nga bata.
Sa karon napriso na ang maong suspek ug gi-imbestigahan usab sa kapulisan ang gisulti sa biktima nga lakip ang iyang otso anyos nga igsoon ang gilugos usab sa iyang amahan.
