Nagalab-ot sa 73 ka mga former rebels sa South Cotabato ang nakabaton sang financial assistance kag firearms remuneration sang tinalikdan nga adlaw.
Yara naman sa P36, 000.00 tubtob P236, 000.00 ang nabaton sang mga former rebels depende sa pagkaimbolber sang mga ini sa Communist Terrorist Group (CTG) CPP-NPA kag balor sang ginsurender sang mga ini nga armas luthang.
Nahibaluan nga yara sa kabug-usan nga P5.773 million ang ginrelease sang national government paagi sa Dept. of Interior and Local Government (DILG)South Cotabato Provincial Office para sa 73 ka mga former rebels matapos ang ebalwasyon nga ginpatigayon sang Provincial E-CLIP Committee.
Ginpangunahan naman ni SCPPO Provincial Director PCOL. Jemuel Siason ang distribusyon upod sanday LTCOL Zandro Alvez, Commander sang 5th Special Forces Battalion,Provincial Social Welfare Officer Haidee Agustin kag iban pa nga miyembro sang Provincial E-CLIP committee.
May-angot sini, ginhangkat ni PCol. Siason ang mga former rebels nga i-impormar ang ila nga mga himata kag kaupod nga loyal pa sa CTGs nga magsurender na.
