General Santos City— Gipangunahan ni Lt. Gen. Rolando Joselito Bautista ang pagsaulog sa ika 30 katuig nga anibersaryo sa 73rd Infantry Batallion sa Malita, Davao Occidental kung asa siya nahimong battalion commander onse ka tuig na ang nakalabay.
Gidayeg niini ang mga nahimo sa 73rd IB gumikan sulod sa usa ka tuig kapin nga paglingkod ni Lt. Col. Marion Angcao, isip labaw niini, ubay-ubay nga mga kalampusan ang ilahang nahimo.
Sama nalang matud pa sa ubay-ubay nga ihap sa mga miyembro sa rebeldeng New People’s Army nga misurender ingon man ang paghatag ug serbisyo ngadto sa katawhan.
Dugang pa ni Lt. Gen. Bautista nga dako ang iyahang pagpasalamat sa mga ahensya sa gobyenro, ingon man sa lokal nga panggamhanan sa Sarangani ug Davao Occidental.
Gumikan kung dili tugnod sa ilaha g suporta aron nga maangkon ang kalinaw, dili mahimo sa kasundaluhan ang ilahang trabaho.
Kung asa iyahang gilauman nga magpadayon ang maong porta nga ihatag sa mga opisyal sa tanang miyembro sa kasundaluhan ingon man sa kapulisan.
Kalabot niini, gibutyag ni Lt. Gen. Bautista nga sa karon, sila sa national headquarters ang naga-paningamot nga mas mahatag ang tanang gikinahanglan sa kasundaluhan hilabi na sa panlawas.
Pagpaklaro niya nga nag-unang ginatutukan sa karon mao ang paghatag ug dugang kahibalo sa mga kasundaluhan alang sa ilahang mga mission.
Rason nga adunay ilaha karong ginapakusgan ang mga training nga ginahatag isip parte sa ilahang preparasyon sa uma-abot nga misyon. (Lore Romualdo)
