Binawian ng buhay ang isang senior citizen matapos malunod sa Sinucalan River na sakop ng Brgy. Nancalobasaan, Urdaneta City, Pangasinan.
Siya ay si Velancio Lalamoro, 77-anyos at isang magsasaka.
Base sa imbestigasyon ng otoridad, umalis ng kanyang tahanan ang matanda sakay ng kanyang tri-bike at nagtungo sa lugar upang manguha ng damo para sa kanyang mga alagang kambing.
Hinihinalang aksidenteng nahulog sa daluyan ng tubig ang lolo habang sakay ng kanyang tri-bike at hindi na muling nakaahon pa.
Sinuri ng doctor ang katawan ng biktima ngunit idineklara na siyang patay. | ifmnews
Facebook Comments
