Gigabas ug gisunog sa tag-as nga mga official sa 4th Infantry Diamond Division ang 79 ka mga low and high powered nga klasi sa mga pusil nga ilang nailog ug na-imbargo gikan sa mga kaaway sa gobyerno.
Kini nahitabo atol sa “Demilitarization of Assorted Non-Standard Captured, Confiscated, Surrendered and recovered, fire arms” Ceremony, kagahapon sa buntag, sa Camp Evangelista patag ning syudad sa Cagayan de Oro.
Kini nga mga pusil, parti lamang sa 593 ka mga pusil, nga na-imbargo sa mga sundalo sa 4th ID, niadtong milabay nga tuig, lakip na ang mga pusil nga bolontaryo nga gi-resunder sa mga rebildeng New Peoples Army.
Sa iyang pakig pulong, gipahayag ni 4th ID Chief, Major General Ronald Villanueva nga kini ang timaan nga midaog ang gobyerno sa ilang walay undang nga pakigsangka sa mga lawless elements.
Matud ni Villanueva nga ang ihap sa mga pusil, sa ilang gigabas ug gisunog kagahapon mao usab ang ihap, kadaghan sa hulga gikan sa mga kaaway sa gobyerno batok sa mga sibilyan.
Gipasalamatan usab sa maong Army General ang mga sundalo sa 4th ID kinsa naglunsad sa ilang peace mission nga ang tumong ug tingoha mao lamang ang pagdepensa sa demokrasya.
