Davao City – Padayon karon ang gihimong assessment sa damyos human miigo ang buhawi kun ipo-ipo sa Aroma 2 ug Clado Subdivision Poblacion, Lupon, Davao Oriental alas 9:30 sa buntag kagahapong adlawa (October 14, 2020).
Sa interbyu sa DXDC RMN Davao kang Angie Lina Payosalan, Information Officer sa Office of the Civil Defense (OCD-XI), gibutyag niini nga sa inisyal nga assessment, walo (8) ka balay ang totally damaged ug usa ang nakahi-agum og injury tungod sa buhawi.
Gilayon usab nga gihimo ang clearing operation sa area sa pagpanguna sa Provincial Disaster Risk Reduction and Management Office (PDRRMO).
“At the moment, ang mga actions taken sa PDRRMO didtoa sa Davao Oriental is on going ilang clearing operation and on going pud ang assessment sa damages,” saysay ni Payosalan.
Sa pagkakaron, nahikling na sa evacuation centers ang mga pamilya o indibidwal nga
apektado ug gihatagan sa ilang mga nag-unang panginahanglan sama sa pagkaon.
RadyoMaN Kirby Manzon
