Davao City- Walo ka mga barangays officials sa Davao Region ang wala pa natanggal sa listahan sa mga ‘narco-politicians’.
Matud ni Antonio Rivera, Philippine Drug Enforcement Agency XI Regional Director, nilusad na sila og background investigation kung nagpadayon pa gihapon ang maong mga personalidad sa pagkalambigit sa iligal nga droga.
Sumala niini nga kung nitiwalag na kini og niapil na sa Davao City Community-Based Rehabilitation Aftercare Program (CBRAP), apil kini sa ilahang isumiteng report ngadto sa PDEA national headquarters.
“Nag-conduct name og adjudication ana and we will be submitting our recommendation sa taas, kung i-approve ba nila ang amoang recommendation nga walaon o i-retain sila it’s up didto sa taas,” sumala ni Rivera.
Gibutyag ni Rivera nga tulo kini ka mga kapitan, upat ka mga kagawad ug usa ka municipal kagawad nga taga-Davao City, Davao del Norte ug Davao Oriental.
Ang ginamonitor nga mga officials sa Barangay sagad mga users o gagamit og droga ug coddlers kun gatabang sa mga tigpayuhot og droga.
RadyoMaN Aimee Guinita
