Sultan Kudarat—Mukabat ngadto sa walo ka mga Ekwepo nag gisunog sa gituohang miyembro sa NPA sa Kalamansig, Sultan Kudarat niadtong nakalabayng adlaw.
Sa inisyal nga imbistigasyon sa kapulisan nasuta nga ginaba-banaang anaa sa 20 ka mga miyembro sa NPA ang misulong matud pa sa bunkhouse sa Janmerc Builders Construction sa Sitio Midpanga Barangay Hinalaan Kalamansig, Sultan Kudarat dayon gibuboan ug gasulina ang lima ka mga heavy equipment nga gipanag-iyahan sa kumpanya.
Gisunod sa mga rebeldi ang ikaduhang bunkhouse sa Janmerc Builders Construction nga nahimutang sa Sitio Lower Saniag, sa samang Barangay kung asa ilang gidabdaban ang laing tulo ka mga ekwepo.
Wala gihilabtan sa mga armado ang mga tranahante sa maong Construction Company apan gihulga nga subling sunugon ang ilang mga ekwepo kung magmagahi gihapon sa paghatag ug Revolutionary Tax ang pamunuan sa kumpanya.
Ekstorsyon ang anggulong gitutukan karon sa PNP bahin sa gihimong pagpangsunog sa mga rebelde sa mga ekwepo sa maong kumpanya.
