General Santos City—Samdan ang usa ka 16 anyos nga estudyante nga itago lang sa pangalang Alias Renren, estudyante sa Fatima National High school nga taga Purok Alquisar, Baranagy Apopong, Gensan, human kining gidunggab sa sama niining estudyante ug sikad driver kagahapong adlawa.
Sumala ni barangay Fatima Kapitan Rey Curit, nakadawat siya ug report nga matud pa dunay gidunggab nga estudyante gawas sa maong tunghaan maong iyang giparespondihan sa iyang mga tanod.
Gilayon usab silang mitawag ug ambulansya aron sa ingon madala ang biktima ngadto sa ospital. Suspek sa krimen ang misibat gilayon human sa insidenti.
Posibleng duna nay bingkil daan ang biktima ug ang suspek ayha pa nahitabo ang pagpanunggab.
Sa karon nagpahigayon na usab ug imbistigasyon ang kapulisan kalabutan sa insidenti. Samtang ang biktima anaa na sa luwas nga kahimtang ug nagpaalim nalang sa iyang samad nga naangkon.
