General Santos City—Gidakop sa mga personahe sa Maasim Municipal Police Station ang walo ka mga mananagat nga iligal nanagat sa baybayon sa Kamanga, Maasim nga sakop sa gideklara sa lungsod nga Eco tourism park.
Base sa report alas 9:30 ang takna sa buntag sa nakalabayng adlaw dihang nasiplatan ang usa ka bangkang panagatan sa maong lugar diin mga sakay niini ang nanagat sa maong area.
Tungod niini paspas nga girespondihan sa Awtoridad ang maong lugar ug gisikop ang mga nasangpit ug gidala sa presento sa kapulisan.
Ang maong mga mananagat ang nakalapas sa Municipal Ordinance no. 060-02 sec. 9 sa Maasim. Sa karon gikatakdang pasakaan ug kaso ang maong mga mananagat.
Facebook Comments
