General Santos City—Ginasuta pa sa kapulisan sa Alabel kung unsay rason sa pagpakamatay sa usa ka Carlo Baguio, 10 anyos, residenti sa Purok 2, barangay Ladol, Alabel, Sarangani Province.
Nasayran nga alas 10:30 ang takna sa gabie dihang nakaplagan nalang sa iyang amahan ang biktima nga nagbitay na sulod sa iyang lawak ug wala nay kinabuhi.
Sumala pa nga ayha nahitabo ang insidenti wala may namatikdan ang pamilya nga mga timailhan nga kini maghikog.
Sa karon ang patayng lawas sa biktima ang gipahiluna na sa iyang mga kabanay samtang ginasuta pa usab sa kapulisan kung duna bay foul play nga natigayon sa insidenti.
Facebook Comments
