Davao City – Kapin 8,000 ka mga sako sa NFA rice ang miabot sa buhatan sa NFA-Davao gikan sa General Santos City ug gikatakdang ipang apod-apod sa mga outlets sa syudad ugmang adlawa, Hunyo 21, 2018.
Kini ang gikumpirma ni National Food Authority (NFA) Davao City Assistant Manager Maria Elaine M. Respecia atol sa interview sa DXDC RMN Davao.
Sumala ni Respecia nga giingong gipahiram usa sa Gensan og 8,000 ka mga sako ang NFA-Davao aron mapantay ang distribusyon sa mga probinsya sa Region XI.
Sa kasamtangan aduna pay mga gina-unload nga mga sako sa NFA rice sa Gensan gikan sa Vietnam ug Thailand.
Una ng giingon ni NFA manager Leonila Selpa nga adunay 250,000 metric tons sa imported NFA rice ang muabot sa nasud diin gawas sa maong ihap, 300,000 ka mga sako ang gitagana ngadto sa Davao Region nga ipang-apod-apod sa Davao City, General Santos , Davao del Norte, Tagum, Digos City, Mati City, Davao Oriental ug Compostela Valley.
RadyoMaN Renz Barbarona
