Davao City – Naugdaw ang usa ka panimalay sa may Juan Dela Cruz St., Daliao Toril ning syudad ganinang alas-8:23 sa kabuntagon.
Base sa rekord sa Bureau of Fire Protection Davao, ang maong panimalay gipanag iyahan ni Norma Villanueva, 70 anyos.
Nasuta sa kabumberohan nga miabot sa 80,000 pesos ang damyos sa nahitabong sunog.
Gawas sa maong panimalay nasunog usab og apil ang tulo ka motorsiklo ug usa ka balay nga gikonsiderang partially damaged.
Gituohang hinungdan sa sunog sa mga firemen mao ang gidaoban nga basura sa maong dapit.
Mideklara og fireout ang kabumberohan bandang alas-9:05 sa kabuntagon.
Walay natala nga casualty ug nasamdan sa maong insidente.
RadyoMaN Abi Bibera
Facebook Comments
