General Santos City—Wala nay kinabuhi dihang naabtan sa iyang mga kabanay ang 81 anyos nga lolo nga nailhang si Aprecio Punay, residenti sa Mabuhay Road, Barangay Mabuhay Gensan alas 9:00 sa buntag kagahapong adlawa human kining naghikog.
Sumala ni Maria Punay Maguan, anak sa biktima nga petsa 27 sa Octobre dihang ilang gibilin ang ilang amahan sa ilang panimalay ug pagbalik niini kagahapong adlawa, nakurat sila dihang nagbitay na ang iyang amahan sulod sa ilang panimalay ug wala nay kinabuhi.
Dali kining nangayog tabang sa ilang mga silingan aron nga matangtang ang biktima sa gibitayan niini.
Sumala ni Maria nga adunay gihambin nga balatian ang iyang amahan sa tyan niini ug dugay na kini nga nag sige ug reklamo tungod sa tumang kasakit sa iyang tiyan.
Pila ka higayon na usab nila kining gipaconfine sa balay tambalanan. Sa karon ang patayng lawas sa biktima anaa na sa lokal nga punerarya sa dakbayan sa Gensan.
