Sa interbyu sa DXDC RMN Davao kang SFO4 Ramil Gillado, BFP XI chief investigator, pinakadaghan gihapong nahitabong sunog sa mga residential areas ug nag-unang hinungdan ang problema gihapon sa linya sa kuryente o electrical wiring.
Anaa sa P3.5M na ang natalang damyos ubos kini kung itandi niadtong Enero hangtod Pebrero 2021 nga niabot sa P20M.
Sumala kang Gillado, mas taas ang ihap sa sunog sulod sa duha ka bulan sa 2022 apan sagad mga insignificant fires kini sama sa grass o rubbish fires.
Sa pagsaulog sa fire prevention Month, gi-intensify sa BFP XI ang ilang kampanya kontra sunog aron mapugngan nga walay maangol o mamatay atol sa sunog diin niadtong 2021 nakatala ang Davao City og 15 ka patay ug 13 ang angol tungod sa sunog.
RadyoMaN Aimee Guinita
