Mi-donar sa 84 ka base radio ug portable handheld radio ang Provincial Disaster Risk Reduction and Management Office o PDRRMO nga giunhan sa ilang head nga si Mr. Fernando Dy Jr. ngadto sa mga munisipyo sa Misamis Oriental.
Mikabat sa 700 mil ang kinatibuk-ang kantidad sa maong mga communication equipment nga gikan sa intelligence fund ni Gov. Yevgeny Emano. Matud ni Dy, ang maong mga radio ang ilang gihatag sa mga police stations sa 23 ka lungsod sa lalawigan lakip na ang dugang tulo ka unit sa kapolisan.
Dugang pa ni Dy nga inisyatiba ni Gov. Yevgeny Emano ang pag-donar sa Communications equipment sa probinsya aron mapadali ang paghatag sa impormasyon panahon nga dunay emerhensiya.
Pasabot niini nga matag municipal police station ilang gihatagan sa usa ka base radio ug duha ka portable handheld radio.
Lakip sa nakadawat sa communication equipment ang Regional Mobile Force Battalion ug Provincial Mobile Force Company.
Duna usab silay gi-instalar nga repeater sa lungsod sa Magsaysay ug pinaagi unya niini mas mapaspas ang pagresponde sa mga uniformed personnel.
