Malaybalay City, Bukidnon – Usa matud pa ang 88th Infantry Battalion nga gibutang sa lungsod sa Brgy. South Poblacion, Maramag, Bukidnon sa napulo ka battalion nga gipabutang ni Pangulong Rodrigo Duterte sa tibook Pilipinas.
Sa eksklusibong interview sa RMN Malaybalay ngadto kang MGen. Ronald Villanueva, commander sa 4th Infantry Diamond Division gibutyag niini nga usa ka battalion ang prayoridad sa 4th ID nga mao ang 88th IB ug ang 89th IB alang sa 10th ID.
Matud ni Villanueva nga gibutang kini isip prayoridad usab sa eastern Mindanao command.
Nasayran nga napulo ka Infantry Battalion ang gi-activate ug ang unom niini anaa na sa area sa EASTMINCOM ug samtang ang laing upat gikatag sa Visayas area.
Tumong matud pa niini aron mutabang sa komunidad nga ma-undang na ang salot o kahasol nga gimugna sa New Peoples Army kon NPA nga kanunay matud pang nanghasi ug nangilkil sa katawhan.
Gidugang pa sa heneral nga basin dinhi usab niya ibutang sa Bukidnon ang scout ranger battalion.
Gawas ninii aduna usay e-activate nga laing battalion nga posible ibutang sa boundary sa Davao ug North Cotabato.
Sigun sa 4th ID commander nga walay boundary sa ilang area of responsibility ang mga batalyon ug muggukod kini sa mga NPA bisan asa.
