Gikondena sa 8th Infantry Battalion, Philippine Army ang pagtanom ug bomba sa mga New Peoples Army kon NPA.
Una niini, mi-responde ang kasundaluhan ilawom sa 8th IB human nga nadawat ang report nga dunay presensiya sa armadong grupo sa lugar apan gipabuthan sila’g landmines sa NPA sa Sitio Nabawang ,Busdi, Malaybalay City,Bukidnon.
Sa interview sa RMN Malaybalay ngadto kang 1Lt. Erwin Bugarin, ang civil military operations officer kon CMO ug spokesperson sa 8th IB gibutyag niini nga ang gihimo sa mga NPA klaro kaayo nga pagsupak sa Comprehensive Agreement on Respect for Human Rights and International Humanitarian Law kon (CARHRIHL).
Posible matud pa nga makamugna kini ug dakong kadaut sa komunidad tungod kay dili kini ma control sa kasundaluhan.
Nasayran nga human nga gilayong natigayon ang engkuwentro dihang naabtan sa mga sundalo ang mga armadong tawo nga kamulo nga nagpahimutang sa landmines.
Hinoon,walay naigo gikan sa militar apan giingong dunay samaron sa mga rebelde nga paspas nakasibat dihang natigayon ang engkuwentro.
Nabawi sa militar ang kagamitan sa improvised explosive device ingon man mga basyo sa mga bala sa M-16 ug AK-47 rifles.
