9 angol sa road crash sa Magtuod

55

Davao City – Nigawas sa imbestigasyon sa Talomo PNP nga nawad-an og preno
ang usa ka pampasaheroang jeep nga adunay plate number Lwr 685 hinungdan
nga mibangga kini sa usa ka pick-up nga adunay temporary plate number Adp
5710 sa may Magtuod ning dakbayan kaganinang udto.

Subay sa report, giila ang pangalan sa driver sa PUJ nga mao si Gremer
Autida, 40 anyos, nagpuyo sa Sto. Niño, Tugbok District, Mintal ug lima ka
pasahero nga mao sila Ermilinda Garcia, 47 anyos taga purok 2 Joaquin
Calinan, Germana Rulida, 38 anyos, residente sa Upper Wangan Calinan,
Christine Joy Garcia, 26 anyos, nagpuyo sa purok Biao Joaquin Calinan,
Delia Mamaclay, 87 anyos, residente sa Talandang Tugbok District ug usa ka
Jayson Villarito, 31 anyos nagpuyo sa Peniano St.Purok 3 Calinan.

Samtang ang nag-drive sa pick up giila nga si Mario Rodriguez, 41 anyos
apan swerte ang iyang asawa nga si Vanessa Rodriguez nga wala ra naangol.

Dugang niini, naangol usab sila Iluminada Navarro, 78 anyos, ug usa ka
Justine Yuson, 10 anyos parehong nagpuyo sa Ilumina Estates Subdivision,
Communal, Buhangin ning dakbayan.

Matud pa samtang pababa ang nahisgutang PUJ, nawad-an kini og preno
hinungdan nabanggaan ang maong pick-up nga pasubida niadtong tungora sa may
Magtuod resulta sa maayong pagkadamyos sa atubangan nga bahin lakip ang
atubangan sa PUJ.

Hinuon daling natabang ang mga samaran ug gidala ang upat sa Davao Doctors
hospital samtang ang lima gipangdala sa Southern Philippines Medical Center
(SPMC).

Wala pay impormasyon ang Talomo PNP og magpasaka ba og kaso ang asawa sa
driver sa pick-up batok sa PUJ driver.

RadyoMaN Don Pulayao

Facebook Comments