LOOK! 9 anyos na bata na natumbahan nan poste sa Gen. Services Office sa Borromeo-P. Reyes St., Brgy. Taft Surigao City nagpatabang para maoperahan ug mabutangan nan stainless an siki. An biktima nakilay-an na si John Collin Yap, 9 anyos, residente sa dayan P. Reyes inin siyudad. Kon kahinumduman adton milabay na adlaw sa dihang nagduwa kilid nan dayan an menor de edad kaiban an iban pa na bata, an tagtangtang na poste sa streetlight na tagpakikid sa dayan an natumba ngadto kan Yap. An amahan sa bata na si Neil Yap an noangkon na may P5,000 na financial assistance sija na nadawat kahapon gikan sa gobyerno sa siyudad pinaagi ni Balgamelo Ma pero kuyang ini kay P50,000 an magastos sa pagbutang nan stainless sa siki. Plano nija na mokadto kuman adlawa sa City Social Welfare and Dev’t. Office para madugangan an financial assistance.
> > > > >
