T’boli, South Cotabato— Patay ng nakit-an sa kasagbutang bahin sulod sa usa ka bakanteng lote ang usa ka 9 anyos nga batang babaye nga nailang si Alyas Alice, nga residente sa Brgy. Poblacion, T’boli South Cotabato.
Sumala kang Police Chief Inspector Ramil Villagracia, hepe sa Tboli PNP nga 1:15 ang takna sa kadlawon niadtong Marso 8 dihang nakit-an ang patay’ng lawas sa biktima nga hubo.
Pamahayag niini nga hilabihang kadulom ang maong area ug kasaba tungod sa mga videokihan sa palibot rason nga walay nakadungog higayon nga nangayo man ug tabang ang biktima.
Dugang pamahayag ni PCI Villagracia nga human ang insidente aduna silay naarestong lima ka mga kalalakin-an nga gilangkubang sa upat ka menor de edad ug usa ka nagpangalang Greg Mindal.
Samtang laing usa usab ang ilahang naaresto nga posibleng makahatag ug kasulbaran sa kaso human kining gitudlo nga maoy nanag-iya sa sanina nga narekober duol sa patay’ng lawas sa biktima.
Ang pagsikop sa mga nahisgutan ang resulta sa impormasyon gikan usab sa mga testigo nga sumala pa maoy migawas sa bakanteng luna ayha nakit-ang patay ang biktima.
Basi matud pa sa ilahang inisyal nga imbestigasyon, nawala ang biktima milabayng Marso 7 human kining misulod ug c.r kung asa aduna matud pay lalaking naka-inom nga nagsul-ob ug brown nga t-shirt nga posibleng nagsunod kaniya.
Dihang gipangita ang biktima, lakip nga nawala ang nasangpit nga lalaki nga kasamtangang anaa sa kustudiya sa T’boli PNP.
Sumala kang PCI Villagracia, nga dili pa niya mabutyag kung gilugos ang biktima gumikan ilaha pang ginapabot ang resulta sa medico legal lakip na ang hinungdan sa kamatayon niini.
Apan basi sa inisyal nilang pagsuta dihang nakit-an ang biktima, nagkatag ang laman loob niini sa crime scene ug gipaagi matud pa sa pribadong parte sa iyahang lawas. (photo credit to the owner)
