9 ka Barangay sa Gensan, drug cleared na

33

General Santos City— Drug cleared na ang mokabat sa 9 ka mga barangay sa Gensan, apan gipaklaro sa Philippine Drug Enforcement Agency (PDEA) nga kinahanglan pa gihapon nga ipailawom sa revalidation ang nahisgutan nga mga Barangay.
Sumala ni Kath Abad, spokesperson sa PDEA12, wala nay barangay sa Gensan nga drug free tungod kay nasudlan na gyud sa iligal nga gimbuhaton ang 26 ka mga barangay. Sa karon, ilaha matud pang ginapaningkamutan nga ma-cleared sa iligal nga droga ang 17 ka mga barangay kung asa nakig-alayon na sila sa lokal nga panggamhanan sa General Santos.
Samtang sa tibuok rehiyon 12, mokabat ngadto sa 22 ka mga barangay ang nagpabiling dili apektado sa illegal drugs. Kini ang dugang pagbutyag ni Kath Abad. Sa maong ihap, upat niini ang gikan sa probinsya sa Sarangani, napulo gikan sa Sultan Kudarat samtang ang walo ang nabahin sa South Cotabato ug North Cotabato.
Pagpaklaro niya nga aduna gyu’y mga barangay nga dili apektado sa iligal nga droga hilabina ang mga nahimutang sa hilit na kaayung mga dapit sa rehiyon. (LVR)

Facebook Comments