Midawat og ayuda ang siyam (9) ka mga kanhi miyembro sa New People’s Army (NPA) gikan sa 58th Infantry Battalion sa Philippine Army ug sa Department Of Social Welfare and Development (DSWD)-X kagahapong adlawa.
Naapod-apod sa mga kanhi miyembro ang P10,000 nga cash assistance lakip nasab ang mga family food packs, hygiene ug sleeping kits.
Sumala ni 4ID Commander, MGen. Romeo S. Brawner nga andam nga mutabang ang gobyerno sa mga mutahan nga miyembro ug makasiguro nga matagaan og higayon nga mamuhi sa malinawong pagpuyo.
Dugang ni Brawner nga lakip usab sa housing program sa gobyerno ang mga mitahan ug gani mihatag na og kantidad P450,000 ang 4ID alang sa housing building sa matag usa sa 17 ka mga mitahan sa CARAGA Region duha ka semana ang milabay.
Sa laing bahin, mapasalamaton usab ang mga kanhi miyembro sa NPA sa tabang nga nadawat gikan sa gobyerno.
