Bisan ug gikonsidera sa Commission on Elections kon COmelec Bukidnon nga generally peaceful ang bag-ohay lang nahuman eleksiyon, apan gibutyag niini nga hangtod karon wala pa gihapon sila nahuman ug canvass tungod sa mga depektibong SD cards.
Sa interview sa RMN Malaybalay ngadto kang Atty. Milber Alinas, ang provincial election supervisor gibutyag niini nga kamulo pa sila ug ihap tungod sa deperensiya nga mga SD cards sa mga munisipyo hinungdan nga dili kini ma-transmit ngadto sa Provincial Board of Canvassers.
Sa karon gipaabot pa nga maamayo ang mukabat sa 130 ka mga SD cards nga daut.
Matud ni Atty. Alinas nga kinahanglan nga mamaayo ang maong mga SD cards.
Sa karon 9 ka lungsod ug 1 ka siyudad ang 100% nang naka transmit sa resulta ug naka proklama na sa mga nidaug sa eleksyon.
Nasayran nga ang Bukidnon adunay 2 ka mga siyudad ug 20 ka mga lungsod.
