90 million pesos nga budget alang sa pagpalapad sa passenger terminal sa Laguindingan aiport, aprubado na

Aprubado na ni Presidente Rodrigo Duterte ang hangyu ni Misamis Oriental Gov. Bambi Emano nga 90 milyones pesos aron mapalapdan ang passenger terminal sa Laguindingan airport.

Mismong si assistant secretary Erwin Enad ang gimandoan ni president Duterte aron moduso sa maong hangyu ngadto kang Department of Budget and Management secretary Benjamin Diokno aron malakip sa General Appropriations karong tuiga.

Gipahibalo usab ni Director General Captain Jim Sydiongco sa Civil Aviation Authority of the Philippines nga ang 90 million pesos nga pondo igahin alang sa pag-andam sa detailed engineering and design sa passenger terminal building lakip na ang terms and reference sa maong proyekto.