Gibida ni DOLE Caraga Reg’l Director Chona Mantilla ang mabungahon nga resulta sa unang adlaw sa Job and Business Fair nga gipahigayon sulod sa Balanghai Hotel ning syudad sa Butuan, subay sa kasaulogan sa Labor day kagahapong adlawa.
Mokabat sa kapin 900 ang natala nga mga job applicants alang sa local ug overseas nga trabaho diin adunay 13 ka mga applikante ang na-hired on the spot.
Gawas sa daghang trabaho nga gitanyag, nanguna usab ang Department of Trade and Industry (DTI) sa pagpahigayon sa “Negosyo Counseling” alang niadtong gusto magkina-ugalingon pagnegosyo.
Miayuda usab ang Technical Education and Skills Development Authority (TESDA) alang sa ilang Free Work Scholarship diin mikabat sa 67 ang nagpailalum niini.
Malaumon si Dir. Mantilla nga madugangan ang ihap sa mga mo-avail sa Job and Business Fair nga magpadayon ang kalihukan karong adlawa.
Gitugutan usab ni Dir. Mantilla nga mag-rally atubangan sa buhatan sa DOLE ang Kilusang Mayo Uno (KMU) apan iyang naatubang ang 10 ka mga lider sa grupo ug gipasabot kabahin sa estado sa mga labor cases nga pending pa ug naka-apila mao’ng hangtud karon wala pa masulbad.
[image: labor day 2.jpg]
