Pagadian City – Gihuptan na karon sa kapulisan ning syudad sa Pagadian ang usa sa suspek sa pagpamusil kagabii dihang dapita sa Corner Duterte St. – Jamisola St., Prk Adelfa, Santa Lucia District, Pagadian City diin target ang kapitan sa maong Barangay.
Malampuson nga nadakpan sa AWAT team ang suspek nga nailang si Jonard Genolos, 36-anyos, paintor ug lumulupyo sa Purok Spring, Brgy. Sta Lucia.
Sa inisyal nga imbestigasyon nasayran nga samtang naglusad sa pagpatrolya ang mga Tanod sa Barangay nga gipangunahan ni Kapitan Bonifacio Boron Jr. sakay sa motorsiklo kalit silang gidikitan sa duha ka itom nga pick-up diin sakay ang armadong kalalakin-an ug walay nga nipusil sa grupo ni Kapitan Boron hinungdan sa pagkatibulaag sa mga biktima paingon sa nagkada-iyang direksyon apan nakabalos ang grupo ni Kapitan Boron ug nakigpinusilay ngadto sa armadong grupo.
Napagan sa hitabo ang si Willa Compra, 27 anyos, dalaga ug residente sa Purok Lawis, sa nahisgutan nga Barangay ug Zacaria Hasim, 44-anyos, tricycle driver, lumulupyo sa Purok Makabibihag II, Barangay Sta. Lucia pulos gapa-alim karun sa pribado nga ospital.
Nahipos sa dapita nahitabuan ang 20 ka basiyo sa wala matino nga calibre sa armas samtang gikustodiya karon sa otoridad ang spotter sa nga si Jonard Genolos nga maoy gitudlo nga nagiya sa mga suspek nga nakasakay sa pick-up.
Nakigkutay na ang kapulisan sa tag-iya sa establisyemento nga anaa sa lugar nga posibleng makatabang sa imbestigasyon pinaagi sa CCTV Camera.
